Святителю Митрофану Воронежскому
Святителю отче Митрофане, нетлением честных мощей твоих и многими благодеяньми, чудесно содеянными и содеваемыми тобою с верою к тебе притекающим, уверившеся, яко имаши велию благодать у Господа Бога нашего, всесмиренно припадаем вси и молимся тебе: моли о нас (имена) Христа Бога нашего, да ниспослет всем, чтущим святую память твою и усердно к тебе прибегающим, богатыя милости Своя: да утвердит во святей Своей Православной Церкви живый дух правыя веры и благочестия, дух ведения и любве, дух мира и радости о Духе Святе, да вси члены ея, чисты от мирских искушений и плотских похотей и злаго действия злых духов, духом и истиною покланяются Ему и усердно пекутся о соблюдении заповедей Его ко спасению душ своих.
Пастырем ея да даст святую ревность попечения о спасении людей, им вверенных, да неверующих просветят, неведущих наставят, сомневающихся вразумят и удостоверят, отпадших от Православныя Церкве обратят в святыя недра ея, верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаявшихся и исправившихся утвердят в святости жизни: и тако всех введут указанным от Него путем в уготованное вечное Царство святых Его.
Ей, святителю Божий, да устроиши молитвами твоими вся благая душам и телесем нашим: да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь.
Пастырям её да даст святую ревность покровительства о спасении людей, им данных, да неверующих просветят, не знающих наставят, сомневающихся вразумят и удостоверят, отпадших от Православной Церкви обратят в святые недра её, верующих соблюдут в вере, грешных подвигнут к покаянию, кающихся утешат и укрепят в исправлении жизни, раскаявшихся и исправившихся утвердят в святости жизни: и всех введут указанным от Него путём в уготованное вечное Царство святых Его.
О святитель Божий, да устроишь молитвами твоими все благая душам и телам нашим: да и мы прославим душами и телами нашими Господа и Бога нашего, Иисуса Христа, Которому с Отцом и Святым Духом слава и держава во веки веков. Аминь.